เนื้อเพลง ตั้งรับความเจ็บบ่ทัน - โชคชัย อินธิวงศ์

16:00
เนื้อเพลง: ตั้งรับความเจ็บบ่ทัน
ศิลปิน: โชคชัย อินธิวงศ์
อัลบั้ม: เพลงใหม่ 2559 / 2016

ละคั่นหัวใจ มันเว้าคือปากได้
คงสิบอกว่าเจ็บหลาย
บัดยามพ่าย เรื่องความฮัก
คำว่าเลิกกันสา แนนมาตำใจคัก

โอ๊ยเจ็บนัก คักกะด้อ มีไผน้ออยากรับฟัง
ละอ้าย ผิดหยัง บอกอ้ายแนจักครั้ง
ให้มันฟ้องในความจริง
ย้อนผู้หญิง คนอ้ายฮักสิบอกลา ว่ามาไกล

เหตุผลใดหนอ เจ้าจั่งมาขอเลิกลา
บอกว่าจบกันสา ฮู้บ่หนาส่ำหนามแทงใจ
ความรู้สึกคนเว้า กับคนรับเอามันต่างกันคักหลาย
ถ้าบ่ได้ฮักอ้าย คือบ่เว้าแต่แรกเฮาพบกัน

ปล่อยให้วาดฝัน ร่วมกันกับเธอมากมาย
ขีดเส้นทางสองใจ ประคองฮักบ่ไหวหวั่น
บ่เห็นแววส่อ ว่าน้องสิขอจบความสัมพันธ์
ลืมแล้วบ่คำนั้น ว่าสิดีกันทุกลมหายใจ

เจอคนใช่ในหัวใจของเจ้าแล้วบ่
ถึงเวลาจ้อ ๆ ว่าพอแล้วฮักเฮา
ว่าสิเว้าบ่คิดเบิ่งความหลัง
ตั๋วเฮ็ดหยังว่าฮักชายหมดใจ บ่ให้ไผเคียงซ้อน
มาตอนนี้ขอตีโตออกห่าง
จบทุกอย่างสัญญาใจว่าไว้ ที่คาค้างต่อกัน

เมื่อใจเจ้านั้น คือคนที่ใจอ้ายฮักเต็มขั้น
นี่มาบอกเลิกกะทันหัน ตั้งรับความเจ็บบ่ทันฮู้บ่
คั่นบอกแต่ดน กะสิพอทนความช้ำได้หนอ
แนวคนฮักกะด้อ ไผน้อสิเฮ็ดใจได้

ทดเวลาไป ให้ทำใจอีกจั๊กหน่อยแหน่
ก่อนสิเป็นคนแพ้ แล้วจั่งไปเทคแคร์คนใหม่
ยังบ่อยากพ้อ เจ้านั่งเคลียคลอกับคนรู้ใจ
ความหวังสุดท้าย เจ้าอยู่ดูใจ ก่อนไปฮักเขา

เรื่องเฮาสิส่อยจบลงไว้ เรื่องเฮาสิส่อยจบลงไว้
ขอเวลาให้ทำใจได้บ่ แฮงฮักหลายคือเจ็บหลายกะด้อ
มันยากคักอีหลี ยังหาวิธีรับความเจ็บบ่ทัน
เจ้ากะส่างเฮ็ดกันบอกลาง่าย ๆ
มันเจ็บพ้อตายแล้วเด้น้อง แล้วเด้น้อง

ข้อมูลลิขสิทธิ์
คำร้อง/ทำนอง: เอกรวี ธีระพันธ์
เรียบเรียง: วิทย์ เด็กบ้านนอกอัดเสียง

เรื่องอื่น ๆ ที่น่าสนใจ

เพลงอื่น ๆ ที่เกี่ยวข้อง

Previous
Next Post »