เนื้อเพลง เตือนวัยรุ่นอีสาน (ลำภูไท) - อั๋น โคกสาร

23:39
เนื้อเพลง: เตือนวัยรุ่นอีสาน (ลำภูไท)
ศิลปิน: อั๋น โคกสาร
อัลบั้ม: เพลงใหม่ 2559 / 2016

โอ้ยน้อ ละท่านผู้ฟังเอย
บัดนี้ชายสิจาเป็นข้อขอเตือนดอกน้องพี่
หนุ่มอีสานดอกยุคนี้
สาวอีสานดอกยุคนี้ ฟังข่อยผู้สิลำ เจ้าเอย เจ้าเอย

โอ้ยน้อพากันลงดอกกรุงกว้าง
ไปตามดวงเจ้าพลัดถิ่น ไปไกลดินดอกถิ่นบ้าน
อีสานเค้าดอกเก่าเฮา ละนาง หล่าเอย

โอ้น้อ ก่อนสิลงจากบ้านแม่เอิ้นสั่งดอกหลายคำ
ให้ตั้งใจเก็บกำ เงินค่าแฮงที่เฮาได้
เอาไปคืนเด้อหาไซ้ ยืมเพิ่มมาให้ลูกก่อน
ตอนลูกไปดอกอยู่พุ้น
ทางกรุงกว้างให้คอยเพียง นั้นแหลว โอ้ย หล่าเอย

โอ้น้อ ความตั้งใจน้อจากบ้าน
คิดว่าหาเงินทองพอประคองฐานะ
พ่อแม่เฮาอยู่ทางบ้าน ความกันดารหน้าฝนแล้ง
ข้าวของแพงพอได้จ่าย
ลูกชายไปจากบ้าน ลูกสาวไปจากบ้าน
พากันสู้ดอกต่องาน นั้นแหลว โอ้ย หล่าเอย

โอ้ยน้อ ละว่าหลูโตนเด้
โอ้น้อ พอมีเงินดอกทองใซ้ ไปผิดทางบ่เข้าทาง
ไปเข้าเทคเข้าบาร์ ติดหมู่เฮหมู่ม้า
การพนันกะพองนั้น
ได้ฟังแล้วให้ใคร่ครวญแหน่เด้ เอย หล่าเอย

โอ้น้อบางคนไปดอกพบพ้อ ความซั่วดอกมั่วหลง
เดินเข้าดงคนพาลข่าวประจานทุกแลงเซ้า
พ่อแม่เหงาอยู่ทางบ้าน รอเงินลูกสิส่ง
ลูกกะหลงแต่หมู่เพื่อน
ซวนกินเหล้าแล้วเลาลืม นั่นแหล่ว โอ้ย นั่นแหล่ว

โอ้ยน้อ พ่อแม่เฮายังคอยถ่า
ทางลูกกลับมาดอกฟังข่าว
ฟังแต่ฮู้เรื่องราว ลูกสาวมีแต่เล่น
ลูกชายมีดอกแต่เล่น
สิเป็นบ้าย้อนห่วงนำ หล่าเอ้ย หล่าเอ้ย

โอ้น้อหลายคนมีดอกรายได้
ส่งคืนไปให้พ่อแม่ จังซี่เด้อจั่งดีแท้
พ่อแม่ดีเด้อใจล้น บ่เป็นคนลืนบ้าน
ฟังคำเว้าพ่อแม่สอน
คนฟังคนเฮามีดอกหลายล้น
จิตใจคนกะหลายอย่าง แนวบ่ดีให้เจ้าห่าง
แนวใด๋ดีให้จือไว้ กุศลได้ดอกแกเฮา
หล่าเอ้ย หล่าเอย หล่าเอ้ย

ข้อมูลลิขสิทธิ์
คำร้อง/ทำนอง: สุขุม พุฒเขียว
เรียบเรียง: หนุ่ม ภูไท
สังกัด: คนอินลำ

เรื่องอื่น ๆ ที่น่าสนใจ

เพลงอื่น ๆ ที่เกี่ยวข้อง

Previous
Next Post »